Касиеттүү Сулайман тоо

Сулайман тоо Ош шаарынын чок ортосунан орун алып,өзүнүн жайгашуусунун өзгөчөлүгү,кооздугунун кайталангыстыгы,уникалдуулугу менен таанылган.Бул тоо өз-өзүнчө өркөчтөнгөн тоонун тутумунан турат.Эң бийик жери 100-150 метрге жетсе,узундугу бир жарым километр,ал эми туурасы 120 метрге чамалап барса,абсалюттук белгиси деңиз деңгээлинен бир канча бийиктикте турат.Сыйгалак таштын сыйкыр күчүнө ишенген адамдар,өмүрү согончогу канабагандар,ар кандай илдетке чалдыккандар ушул ташка сыйынышып,ушул таштан сыйгаланышат,таштын дартка дабаа,илдетке шыпаа болчу касиети аркылуу аялдар балалуу болооруна,кеселдер сакайып кетерине үмүт байлашат.Сулайман тоо музейи анын батыш бөлүгүнөн орун алган.Музейде археологиялык казуулар натыйжасында табылган буюмдар,таштагы жазуулар ошол аймакты байырлаган жаныбарлар,канаттуу куштардын катырылган эстеликтери,көргөзмө катары коюлган.Тарыхый маалыматтарга таянышып,бул жайды "Бабурдун чижереси"деп да атап жүрүшөт.Өз заманында атагы алыска кеткен Сулайман падыша Фергана өрөөнүн башкарып турган экен.Падышанын сыйкыры бар беле,касиеттүү сөзүн айта салса эле жер астынан тоо пайда болуп,ошол того падыша өзүнүн түбөлүк тактысын орнотот.Шаарды бүтүндөй көзөмөлгө алып,өйдө карап сүйлөгөндөрдү сот өкүмүнө тартып,четинен жазалап турат.Көтөрүлгөн эл ага аргасызбаш ийип,өмүр бою кыңк этпей кызматын кылууга сөз берет.