Тарбиялык саат."Ак калпак-Ата мурасы"

Тарбиялык саат

Тема:Ак калпак –Ата мурасы

7-класс

Маалыматтык компонентүүлүк:

• Улуттук баш кийимибиз ак калпактын пайдалуулугун,адамдын жеке жашоосун чагылдырарын,өзгөчо көрктүүлугун жана урматтап, сактап кийип жүрүү керек экендигин билүү жана даназалоо .

Социалдык –коммуникациялык компонентүүлүк:

• Улуттук баш кийимибиз ак калпак ата мурасы экенин,ошондой эле аны турмушта барктап,аздектеп кийүүну билишет,ууз чебер энелердин кол эмгегин баалашат.

Сабактын усулу: интерактивдүү

Сабактын жабдылышы:

калпактын түрлөру,макеттери,сурөт-төр,слайд,класстер,буклет.

Жагымдуу маанай түзүү,алтын эреже кабыл алуу.

Жаны темага өбөлгө түзүү:

Кадимки эле кыргызымдын калпагын.

Мен силерге келип турат даңктагым,

Анда эмесе баарын кулак салып тур,

Ак калпактын улуулугун айтамын.

Тээ илгертен ата-бабам кийишкен,

Бийик тутуп,кадырлашып келишкен.

Ак калпагын тушпөсун деп башыңдан,

Ак батасын балдарына беришкен.

Демек,балдар азыр биз калпактын түзүлүшү менен таанышабыз.

• Төрт талаасы-бири-бирине дал келген төрт талаа биригип,кыргыздын Ала-Тоосун чагылдырат.
• Төбөсундөгү кайчы сызык-күндүн, жашоо тиричиликтин аян белгиси.
• Төбөсундөгу чачыгы-укум-тукумдун теренге жайылуусу.
• Ичилиги-кебезден жасалган кездеме менен ичтелет.
• Оюлары алты багыт боюнча түшүрүлөт.

Бала калпак (жашыл же көк кыюу)

Кийчү экен жаш балдар,

Эне сүтү али оозунан кете элек.

Эркелешип жаратылыш койнунда,

Балакатка али жашы жете элек.

Жигит калпак (кызыл кыюу)

Кызыл кыюу калпак кийчү жигиттер,

Үйлөнгөнгө шерик издеп жүрүшкөн.

Айлыбызга келди бойдок жигит деп,

Шум жеңелер калпагынан билишкен.

Төрө калпак (ак кыюу)

Аппак калпак кийгизип,

Төрөлүгүн билгизип.

Ар бир кыргыз жигитинин башына кийилип калган,

Ар бир кыргыз жигитинин төрөлүгү билинип калган.

Бакай калпак

Аруулук жүздөн байкалган,

Ак сакалын жайкалткан.

Аталар кийген ак калпак

Ак калпак жөнүндө накыл сөздөр:

• Калпакчан журсөн оорубайсын;
• Калпакчанды өлтүрүүгө болбойт;
• Калпакты жерге койбо;
• Калпагынды жоготсон,башынды жоготосун;
• Түнкүсүн калпагын ар дайым баш жагында болсун;

Сунушум:

Ата бабаң кийген ыйык калпактын,

Маани-маныз ыйыктыгын,биле жүр!

Кепка,шапка,шляпаны кийбестен,

Кыргызсыңбы,ак калпакты кийип жүр!

Ала-Тоого окшош кийген калпагың,

Алп Манастай сүрдүү болсун айбатын!

Аска-зоодой көтөрүлүп зоболоң,

Ата-Журтка кызмат кылгын ар дайым!

Ар дайым калпак кийип жүр!

Бышыктоо:

Балдар «Калпактын кийилиши боюнча»,

кыздар «Ак калпак жөнүндө» класстер түзгүлө.

Жыйынтыктоо: Тапшырма:

Калпактын макетин класс менен биргеликте жасоо.

Жакшы калгыла!